سەرۆكایەتیی شارەوانیی سلێمانی رایدەگەیەنێت، بەهۆی زۆریی سلۆپی شەقامی تونێلی پێشڕەو بۆ هەواری شار ژمارەیەكی زۆر رووداوی هاتوچۆ لەو شوێنە روودەدەن و دەشڵێت، “شەقامەكە چاكدەكرێتەوە و كامێرای تیژڕەوی لەو شوێنە دادەنرێت”.
بەپێی روونكردنەوەیەكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، سەرۆكایەتیی شارەوانی بە هەماهەنگی لەگەڵ بەڕێوەبەرایەتیی هاتوچۆی سلێمانی بۆ چارەسەركردنی كێشەی ئەم شەقامە كە پێشتر دیزاینی نەبووە و بۆتە هۆی روودانی ژمارەكی زۆر رووداوی هاتوچۆ چەند بەدواداچوون و كۆبوونەوەیەكیش ئەنجامدراوە و كۆنووسی هاوبەش هەیە بە وتەی ئەندازیارانی تایبەتمەند و پسپۆڕ، كێشەی ئەم شەقامە بەهۆی سلۆپە بەرزەكەیەتی كە نزیكەی 15% یە و ستاندارد نییە، ئەمەش بەهۆی بەرزیی ئاستی (تونێلی پێشڕەو)ەوە روویداوە و ئەم سلۆپە زۆرەی دروستكردووە ئەمە جگە لەوەی كە فولكەكەش بە شێوەی ئەندازیاری نەبەستراوە بە شەقامەكەوە.
هەر لە راگەیەندراوەكەدا هاتووە، بە پێی بڕیاری ئەنجومەنی شارەوانی ژمارە دیزاین و جێبەجێكردنی شەقامەكە و چارەسەركردنی كێشەی ئەو شەقامە و هاوكات لەگەڵ دروستكردنی دوو یەكتربڕی ئاست جیاواز و شەقامی نێوانیان كە دەكەوێتە ئەستۆی كۆمپانیای قەیوان لە بەرامبەر پڕۆژەی پێدانی فراوانكردنی بەرزاییەكانی سلێمانی بەپێی ئەو دیزاینەی لەلایەن نووسینگەی ئەندازیارییەوە چێككراوەتەوە و سلۆپی شەقامەكە كەمكراوەتەوە بۆ 12% لەگەڵ دانانی كامێرەی تیژڕەوی كە خێرایی رێگەپێدراو 50 كیلۆمەتر لە كاتژمێرێک و بەم زووانە دەخرێتە بواری جێبەجێكردنەوە.
