لە مانگی تەمموزی رابردوودا ئوردن 334 هەزار و 844 بەرمیل نەوتی لە عێراقەوە هاوردەی وڵاتەکەی کردووە کە نرخی هەر بەرمیلێکی بە 64.05 دۆلار بووە.
میدیاکانی ئوردن بڵاویانکردەوە، لە مانگی تەمموزی رابردوودا وڵاتەکەیان 334 هەزار و 844 بەرمیل نەوتی عێراقی هاوردەکردووە کە بە تێکڕا رۆژانە 11 هەزار بەرمیل بووە بە بەهای 64.05 دۆلار بۆ هەر بەرمیلێک.
لە مانگی ئایار و حوزەیرانی رابردوو بڕی نەوتی عەمبارکراوی عێراق کە لە کێڵگەی نەوتی کەرکووکەوە هەناردەکرابوون، 556.062 هەزار بەرمیل بووە.
هەناردەکردنی ئەو بڕە نەوتەی عێراق بۆ ئوردن لە چێوەی رێکەوتنێکی هەردوو وڵاتدایە، کە رۆژانە زیاتر لە 10 هەزار بەرمیل نەوت بۆ پڕکردنەوەی پێداویستییە ناوخۆییەکانی ئوردن هەناردەبکرێت، بە شێوەیەک نرخی هەر بەرمیلێک 16 دۆلاری کەمترە لە نرخی نەوت لە بازاڕە جیهانییەکان.
