وەزارەتی دارایی و ئابوریی هەرێم رایگەیاند، سبەی شەممە 2023/8/5 دەوامی ئەو بانکانە ئاسایی دەبێت کە ئەرکی دابەشکردنی مووچەیان لەئەستۆیە.
بەپێی خشتەی راگەیەندراوە، بڕیارە سبەی مووچەی دیوانی وەزارەتی پێشمەرگە و لیواكان دابەشبكرێت.
ئێوارەی دوێنێ وەزارەتی دارایی هەرێم خشتەی دابەشكردنی مووچەی مانگی حوزەیرانی بڵاوكردەوە بەپێی خشتەكە دابەشكردنی مووچە لە 3ی ئابەوە دەستپێدەكات و تا 14ی هەمان مانگ بەردەوام دەبێت، لەكاتێكدا لە خشتەكەدا مووچەی هیچ كام لە وەزارەتەكانی (كارەبا، شارەوانی، خوێندنی باڵا و رۆشنبیری) و خانەنشینانی سەربازی و سەرۆكایەتییەكانی تێدا نییە.
