كه‌شناسیی هه‌رێم: لە شارەکان باران و له‌ ناوچه‌ شاخاوییه‌كانیش به‌فر ده‌بارێت

كه‌شناسیی هه‌رێم پێشبینی ده‌كات سبه‌ینێ ئاسمانى هه‌رێم بگۆڕێت بۆ هه‌ورى ته‌واو و نمه‌باران ببارێت، هه‌روه‌ها به‌فر له‌ ناوچه‌ شاخاوییه‌كانى حاجى ئۆمه‌ران و پێنجوێن ببارێت و خێرایی با-ش زیاد ده‌كات.

به‌ڕێوه‌به‌رایه‌تیی كه‌شناسی و بومه‌له‌رزه‌زانى هه‌رێم، له‌ ڕاگه‌یه‌ندراوێكدا پێشبینی كردووه‌، سبه‌ینێ چوارشه‌ممه‌ ئاسمانى هه‌رێم له‌ نیمچه‌ هه‌وروه‌ ده‌گۆڕێت بۆ هه‌ورى ته‌واو له‌ گه‌ڵ ده‌ستپێكردنى نمه‌باران و بارانى مامناوه‌ند له‌ ناوچه‌ شاخاوییه‌كانى باكوور و ناوه‌ڕاستى هه‌رێم.

باسی له‌وه‌شكردووه‌، “خێرایی با زیاد ده‌كات بۆ سه‌رووى 25 كلم/له‌ كاتژمێرێكدا، ئه‌گه‌رى كه‌مێك هه‌وره‌ تریشقه‌ش هه‌یه”‌.

كه‌شناسیی هه‌رێم پێشبینى ئه‌وه‌شی كردووه‌، له‌ كاته‌كانى پاشنیوه‌ڕۆ و ئێواره‌دا به‌فر له‌ ناوچه ‌شاخاوییه‌كانى باكوور و حاجى ئۆمه‌ران ببارێت.

هه‌روه‌ها پێشبینى ده‌كرێت له‌ كاته‌كانى شه‌و بارانبارین ناوچه‌كانى ڕاپه‌ڕین و سلێمانى و هه‌ڵه‌بجه‌ و گه‌رمیانیش بگرێته‌وه‌ له‌ گه‌ڵ بارینى كه‌مێك به‌فر له‌ ناوچه‌شاخاوییه‌كانى پێنجوێن و ڕاپه‌ڕین كاریگه‌ریه‌كه‌شى‌ تا به‌یانى پێنجشه‌ممه‌ به‌ لاوازى بمێنێته‌وه‌.

بابەتی پێشتر

كونسوڵخانەی ئەمریكا لە هەولێر زەنگی ئاگاداركردنەوەی لێدا

بابەتی دواتر

فاوچی زانیارییەكی پێچەوانە لەبارەی ئۆمیكرۆنەوە ئاشكرادەكات

بابەتی پەیوەندیدار
زیاتر ببینە

دژەتیرۆر لەبارەی دەستگیركردنی تیرۆریستێك لە هەولێر ڕاگەیەندراوێكی بڵاوكردەوە

بەڕێوەبەرایەتیی گشتیی دژە تیرۆری کوردستان، ڕوونکردنەوەیەکی لەبارەی دەستگیركردنی تیرۆریستێك لە هەولێر بڵاوكردەوە. لە ڕوونكردنەوەكەدا هاتووە، “لەم رۆژانەدا هەواڵێک…