ورچێك كە لە بەغدادەوە بۆ دوبەی گوازراوەتەوە، گەشتی گەڕانەوەی فڕۆكەیەكی عێراقی دوادەخات.
كۆمپانیای فڕۆكەوانیی عێراق لە روونكردنەوەیەكدا داوای لێبوردنی لە گەشتیارانی یەكێك لە گەشتەكانی كرد لە دوبەیەوە بەرەو بەغداد، بەهۆی دەرچوونی ورچێك لە قەفەزی گواستنەوە، كە لەناو فڕۆكەكەدا بووە و بووەتە هۆی پەكخستن و دواكەوتنی گەشتەكە.
روونیشیكردەوە، ورچەكە بەپێی رێنمایی و رێوشوێنە یاساییەكان لە بەغدادەوە بۆ دوبەی گوازراوەتەوە، لەكاتی نیشتنەوەی فڕۆكەكەدا دەركەوتووە لە قەفەزەكەی هاتووەتەدەر، بەهۆیەوە ناچاربوون پەیوەندی بە دەسەڵاتدارانی تایبەتمەندی ئیماراتییەوە بكەن.
دوای گەیشتنیان لەلایەن شارەزایانەوە ورچەكە بێهۆش كراوە، بەرلەوەی بۆ شوێنی مەبەست بگوازرێتەوە.
كۆمپانیای فڕۆكەوانیی عێراق ئاشكرایكرد، بەهۆیەوە ناچارانە گەشتی گەڕانەوەی فڕۆكەكەیان بەرەو بەغداد دواكەوتووە.
