بەڕێوەبەرایەتیی بەرگریی شارستانیی راپەڕین داوا لە هاوڵاتییان دەكات سەردانی دەربەندی رانیە نەكەن.
بەپێی راگەیەندراوێكی بەڕێوەبەرایەتیی بەرگریی شارستانیی راپەڕین كە وێنەیەكی دەست تۆڕی میدیایی ئێستا كەوتووە و تێیدا هاتووە رایگەیاند، داوا لە هاوڵاتییانی سنووری ئیدارەی راپەڕین دەكەین كە ئەمڕۆ هەینی بەتایبەت و ڕۆژانی تر بەهیچ شێوەیەك روونەكەنە (زێی بچووك – دەربەندی ڕانیە) بەدیاریكراوی نزیك پردی دەربەند بە مەبەستی مەلەكردن و ڕاوە ماسی تا نەبنە ئاستەنگ بۆ تیمەكانی بەرگریی شارستانی كە بەدوای تەرمی هاوڵاتی (محەمەد مستەفا)دا دەگەڕێن.
هەر لە راگەیاندراوەكەدا هاتووە، داواكەمان هاوكاتە لەگەڵ پاراستنی گیانی هەموو لایەك و هاوكاریكردنی تیمەكانمان بۆ دۆزینەوەی تەرمەكە.
