بافڵ جەلال تاڵەبانی سەرۆکی یەکێتیی نیشتمانیی کوردستان هاوخەمیی بۆ قوربانییانی بومەلەرزەکەی تورکیا و سوریا دەردەبڕێت و دەڵێت، “دڵمان لەگەڵ کەسوکاری قوربانییانە”.
لە پەیامەکەی بافڵ جەلال تاڵەبانیدا هاتووە، “دڵمان لەگەڵ کەسوکاری قوربانییان و زیانلێکەوتووانی بوومەلەرزەکەی تورکیا و سوریایە و هاوبەشی ئەم خەم و ئازارە دڵتەزێنەین”.
هەروەها دەڵێت، “نزا بۆ چاکبوونەوەی بریندارەکان دەکەین و لە خوای گەورە داواکارین ئارامی و سەلامەتی بەهەموولایەک ببەخشێت”.
