رێکخراوی تیرۆرستی داعش کوژرانی ئەبو حسێن قورەیشی خەلیفەی رێکخراوەکەیان راگەیاند و ئەبو حەفسی هاشمی قورەیشی وەک شوێنگرەوەی دەستنیشانکرا.
بەپێی تۆمارێکی دەنگی ئەبو حوزەیفییە ئەنساری وتەبێژی رێکخراوی تیرۆرستی داعش کە ئاژانسی هەواڵی فرانس پرێس بڵاویکردووەتەوە، “ئەبو حسێن قورەیشی لە شەڕێکدا لە یەکێک لە گوندەکانی ئیدلب لە سوریا کاتێک هەوڵدراوە بە دیل بگیرێت خۆی بەدەستەوە نەداوە و لە رووبەڕووبوونەوەیەکدا کوژراوە”.
هەر بەپێی تۆمارەکە، ئەبو حەفس هاشمی قورەیشی وەک خەلیفەی نوێی داعش دەستنیشانکراوە.
ئەبو حسێن قورەیشی دەبێتە چوارەمین خەلیفەی داعش کە لەدوای دروستبوونی رێکخراوەکە کوژرابێت.
