عەبدوڵڵا حاجی مەحمود وەزیری كاروباری شەهیدان و ئەنفالكراوانی هەرێم لە دیدارێكی تەلەفزیۆنیدا رایگەیاند، “حكومەتی هەرێم هەموو هەوڵێك دەدات كە مووچە بدرێت و لە دوایین كۆبوونەوەی ئەنجومەنی وەزیراندا وەزارەتی دارایی راسپێردرا كە خشتەی مووچە رابگەیەنێت و مووچە دابەشبكرێت”.
راشیگەیاند، حكومەتی عێراق پابەندی رێككەوتنەكان نابێت و ئەوەی لە ئەستۆی حكومەتی هەرێم لەرێككەوتنەكان جێبەجێكردووە و بەغداد دەیەوێت شایستە داراییەكانی هەرێم نەدات.
ئاشكراشیكرد، كورد پێكهاتەیەكی سەرەكییە لە حكومەتی عێراق و ئەگەر ماف و شایستەی دارایی هەرێم نەدات دەتوانرێت بەرامبەر بە بەغداد هەڵوێستی هەبێت و لەو سێ پێكهاتەیەی عێراق لە پڕۆسەی سیاسی بكشێتەوە دۆخی عێراق تێكدەچێت.
