بەڕێوەبەرایەتیی پۆلیسی ئیدارەی زاخۆ رایگەیاند، تەرمی گەنجێکیان دۆزیوەتەوە کە هیچ شوێنەواری تاوان لەسەر جەستەی نەبووە.
بەپێی راگەیەندراوی پۆلیسی زاخۆ، لە کاتژمێر 8:30ی بەیانیی ئەمڕۆ تەرمی گەنجێک دۆزراوەتەوە و تیمە تایبەتمەندەکانی پۆلیس لێکۆڵینەوەیان دەستپێکردووە.
ئەو کەسەی تەرمەکەی دۆزراوەتەوە ناوی (ر.س.ا)ـە و کاتێک دۆزراوەتەوە هیچ شوێنەوارێکی لێدان یان تاوان بە جەستەیەوە نەبووە.
پۆلیسی زاخۆ باس لەوە دەکات، ئەو کەسە ئەگەری هەیە بە مردنی ئاسایی گیانیلەدەستدابێت، بەڵام لێکۆڵینەوەکان لەوبارەیەوە دەستیانپێکردووە.
