لیۆنێل مێسی لە ڕابەرایەتی کردنی یانەى ئینتەرمەیامی بەردەوامە و جارێکی تر سەرکەوتنیان بەدەستهێنا.
مێسی بۆ جاری سێیەم سەرکەوتنی بۆ یانەى ئینتەرمەیامی بەدەستهێنا
ئەمجارە سێ بە یەک یارییەکەیان بردەوە.
دوو گۆڵیان مێسی تۆماریکرد و گۆڵەکەى تریش لێدانی سزا بوو مێسی بۆ هاوڕێکەى جێهێشت.
پێش مێسی یانەى ئینتەرمەیامی لە 15 یاریدا سێ یاریی بردبووەوە، لەوکاتەوەى مێسی هاتووە سێ یاریی کردووە هەرسێکی بردۆتەوە.
مێسی 5 گۆڵی کردووە و گۆڵێکیشی بۆ هاوڕێکانی دروستکردووە و لێدانێکی سزاشی جێهێشتووە.
ئێستا ئینتەرمەیامی لە قۆناغی شانزەى لیگا کەپدایە.
