دوو ئاگر لە سنووری ناحیەی گەرمك لە قەزای پێنجوێن کەوتنەوە و بەهۆیانەوە خوێندنگەی گوندێک و 80 دۆنم پووش و پاوان سووتان.
بەڕێوەبەرایەتیی پۆلیسی دارستان و ژینگەی پارێزگای سلێمانی بڵاویکردەوە، ” رۆژی 31ی مانگی رابردوو دوو ئاگر لە سنوری گوندەکانی کانی هەرمێ و تەیمەزی سەر بە ناحیەی گەرمك کەوتنەوە و دوای “هەوڵێکی زۆر” و بە هاوکاری دانیشتووانی هەردوو گوندەکە و تیمی ئاگرکوژێنەوەی قەزای پێنجوێن ئاگرەکان کۆنترۆڵکران.
پۆلیسی دارستان و ژینگەی سلێمانی لەبارەی زیانی ئاگرەکان ئاشکرایکرد، “بەهۆی ئاگرەکەوە 80 دۆنم پوش و پاوان و دارستان و چەند باخێکی هاوڵاتییان و هەروەها خوێندنگەی گوندی کانی هەرمێ، سووتاون.
