بەڕێوەبەری گشتیی بازرگانی هەرێم رایگەیاند، بڕێکی دیکە لە شایستە داراییەکانی جوتیاران بۆ ساڵی 2023خراوەتە سەر حسابی وەزارەتی بازرگانی وپیشەسازی هەرێم و پاش تەواوبونی ڕێکارە کارگێڕی و داراییەکان دەست بە دابەشکردن دەکرێت.
نەوزاد کامیل بەڕێوەبەری گشتیی بازرگانی هەرێم رایگەیاند، “بڕێکی دیکە لە شایستە داراییەکانی جوتیاران بۆ ساڵی 2023 خراوەتە سەر حسابی وەزارەتی بازرگانی وپیشەسازی کە بۆ سلێمانی پێنج ملیار دینار
بۆ هەولێر سێ ملیار دینار و بۆ دهۆک دوو ملیار و 500 ملیۆن دینارە”.
ئاشکراشیکرد، “دوای تەواوکردنی رێکارە کارگێڕی و داراییەکان بەسەر جوتیاراندا دابەشدەکرێت”.
