کەشناسیی هەرێمی کوردستان کەشوهەوای ئەمڕۆ و سبەینێی پارێزگاکانی بڵاوکردەوە، بەپێی پێشبینییەکان لە دواینیوەڕۆی ئەمڕۆوە خۆڵبارین لە هەندێک ناوچە دەستپێدەکات لە شەوەوە نمەباران دەستپێدەکات.
بەڕێوەبەرایەتیی گشتیی کەشناسیی هەرێمی کوردستان ڕایگەیاند، ئەمڕۆ ئاسمان ساماڵ دەبێت، لە دواینیوەڕۆوە خێرایی با زیاد دەکات، دەبێتە هۆی بەرزبوونەوەی تۆز و خۆڵ لە ناوچەکانی هەولێر و کەرکوک و گەرمیان، بە ئاستێکی کەمتر لە دهۆک و سلێمانی و هەڵەبجە.
هەروەها لە کاتەکانی شەودا ئاسمان بۆ نیمچەهەور و هەوری تەواو دەگۆڕێت لەگەڵ ئەگەری کەمێک هەورە تریشقە و نمەبارانی کەم بە تایبەت لە ناوچە شاخاویەکان.
بەپێی پێشبینییەکان سبەینێ یەکشەممە، ئاسمان ساماڵ دەبێت لەگەڵ دروستبوونی تۆزێکی سووک، هەروەها پلەکانی گەرما بە 3 تا 5 پلەی سەدی دادەبەزن.
