وردبینیكردنی رێنماییه‌كانی بودجه‌ كۆتاییهات

ئەنجومەنی دەوڵەتی عێراق رایدەگەیەنێت، وردبینیكردنی رێنماییەكانی بودجەی سێ ساڵی داهاتوو کۆتایی هاتووە و ئەوەش ئاسانكاری دەبێت بۆ جێبەجێكردنی.

میدیا عێراقییەكان بڵاویانكردەوە، وردبینیكردنەكەی بودجەی ساڵانی 2023، 2024 و 2025 بە ئامادەبوونی تەیف سامی، وەزیری دارایی و نوێنەری وەزارەتی پلاندانان و لایەنە پەیوەندیدارەكان ئەنجامدراوە.

ئامانج لێی ئاسانكاریی جێبەجێكردنی یاسای بودجەیە، وەك ئەوەی میدیاكان بڵاویانكردووەتەوە.

یاسای بودجەی گشتیی عێراق بۆ ساڵانی (2023، 2024 و 2025) لە 12ی حوزەیرانی رابردوو لەلایەن ئەنجومەنی نوێنەرانەوە پەسەندكرا، لە 21ی حوزەیران لەلایەن لەتیف رەشید، سەرۆك كۆماری عێراق پەسەندكرا و لە 26ی هەمان مانگ لە رۆژنامەی وەقائیعدا بڵاوكرایەوە و بەوەش چووە بواری جێبەجێكردنەوە.

هەریەك لە ماددەكانی (11، 12 و 13)ی بودجە پەیوەست بە پشكی هەرێمی كوردستان.