زیاتر لە 800 ملیۆن دۆلاری عێراق دیارنەماوە و پەرلەمان داوای چارەنووسی دەكات

لیژنەی دارایی ئەنجومەنی نوێنەران داوای ئاشكراكردنی ئەو كەسانە دەكات كە تێوەگلاوەن بە لەدەستدانی زیاتر لە 800 ملیۆن دۆلاری خەزێنەی دەوڵەت.

بەپێی ڕاپۆرتی لیژنەیەكی هاوبەشی وەزارەتی دارایی زیاتر لە یەك ترلیۆن دیناری عێراقی بەهەدەردراوە یاخود گەندەڵی تیاكراوە.

فالح ساری، ئەندامی لیژنەی دارایی ئەنجومەنی نوێنەرانی عێراق لە ڕاگەیەندراوێكی ئاماژەی بەو ڕاپۆرتە داوە و دەڵێت، داوا لە وەزارەتی دارایی دەكەین ئەو بڕە پارەی ئەمانەتە ئاشكرابكات كە لە دەستەی گشتی باج وەرگیراوە و بەپێی لیژنەی لێكۆڵینەوە جەختدەكاتەوە لەسەر لەدەستدانی بڕێكی زۆر كە دەگاتە زیاتر لە 800 ملیۆن دۆلار.

پەرلەمانتارەكە وەزارەتی دارایی بە بەرپرسی یاسایی لەدەستدانی پارەی گشتی ناودەبات و لە ئەگەری نەگرتنەبەری ڕێوشوێنی یاساییدا، هەڕەشەی جوڵاندنی سكاڵای یاسایی دەكات.

بابەتی پێشتر

حكومەتی هەرێم داهاتی نەوتی سێ مانگی دووەمی ئەمساڵ دەخاتەڕوو

بابەتی دواتر

كۆچبەری كوردیان تیایە.. ژمارەی قوربانییانی بەلەمەكەی لوبنان بەرزبووەوە

بابەتی پەیوەندیدار
Total
0
Share