بڕی 500 دۆنم زەوی بۆ كۆلێژی ئەندازیاریی زانستە كشتوكاڵییەكانی كفری تەرخانكرا.
بێگەرد تاڵەبانی وەزیری كشتوكاڵی هەرێم رایدەگەیەنێت، بە مەبەستی گەیاندنی پشتیوانی و داخوازییەكانی هاوڵاتییانی ئازیزی كفری، ڕاوێژكاری وەزارەت (شەیما جەماڵ كوێخا) بە نوێنەرایەتیی وەزارەتی كشتوكاڵ و سەرچاوەكانی ئاو، سەردانی خێوەتگەی مانگرتووانی كرد و موژدەی تەرخانكردنی بڕی( 500) دۆنم زەویی كشتوكاڵی بۆ كۆلێژی ئەندازیاریی زانستە كشوكاڵییەكانی كفری راگەیاند.
ئاشكراشیكرد، ئەو داواییە لەلایەن وەزارەتی خوێندنی باڵا و زانكۆی گەرمیان و لە ڕێگای بەڕێوەبەرایەتیی گشتیی كشتوكاڵی گەرمیانەوە ئاراستەمان كراوە و وەكو وەزارەت جەختدەكەینەوە لەسەر هەماهەنگی و بەدواداچوون بۆ سەرجەم داواكاری و كێشەكانی پەیوەست بە پەرەپێدانی سێكتەری كشتوكاڵ و ئاودێری لە كفری.
