دەروازەی نێودەوڵەتیی حاجی ئۆمەران رایدەگەیەنێت، لە ئەمڕۆوە تا كاتێكی نادیار هیچ هاوڵاتییەكی هەرێمی كوردستان و عێراق ناتوانێت بە ئۆتۆمبێلی تایبەتی خۆی سەردانی كۆماری ئیسلامیی ئێران بكات.
بەپێی راگەیەندراوێكی دەروازەی نێودەوڵەتیی حاجی ئۆمەران كە وێنەیەكی دەست تۆڕی میدیایی ئێستا كەوتووە و تێیدا هاتووە، ئاگاداری هاوڵاتییانی خۆشەویستی هەرێمی كوردستان و عێراق دەكەینەوە كەلەلایەن دەروازەی تەمەرچینی كۆماری ئیسلامیی ئێرانەوە ئاگاداركراینەوە بەهۆی چەند گرفتێكی تەكنیكی لە كاتی ئێستادا و لە ئەمڕۆوە تا كاتێكی نادیار هیچ هاوڵاتییەكی هەرێمی كوردستان و عێراق ناتوانێت بە ئۆتۆمبێلی تایبەتی خۆی سەردانی كۆماری ئیسلامیی ئێران بكات.
لە راگەیەندراوەكەدا هاتووە، بۆیە داوا لە هاوڵاتییانی خۆشەویستی هەرێمی كوردستان و عێراق دەكەین ئەوانەی دەیانەوێت بە ئۆتۆمبێلی خۆیان سەردانی ئێران بكەن ناتوانن بە ئۆتۆمبێلی خۆیان گەشت بكەن بەڵام بەبێ ئۆتۆمبێل بە شێوەی 24 كاتژمێری دەتوانن گەشتەكانیان ئەنجامبدەن و لە هەر پێشهاتێكی نوێ لە داهاتوو ئاگادارتان دەكەینەوە لە دووبارە رێگاپێدان بە ئۆتۆمبێلەوە لە دەروازەی نێودەوڵەتی حاجی ئۆمەران.
