بەپێی ئەو زانیارییانەی بە تۆڕی میدیایی ئێستا دراون، سبەی لە كۆبوونەوەی نێوان وەفدە باڵاكەی حكومەتی عێراق و بەرپرسانی هەرێم پرسی داهاتی نانەوتی و یەكخستنەوەی باج و رسوومات لە نێوان هەرێم و بەغداد یەكلادەكرێنەوە.
هەر لە زانیارییەكاندا هاتووە، گفتوگۆ لەسەر كێشە هەڵپەسێردراوەكانی نێوان هەرێم و بەغداد دەكرێن بە تایبەت ئەو گرفتانەی لە لیستی مووچەدا هەن كە بەغداد چەند تێبینییەكی هەبووە.
جێی ئاماژە بۆكردنە، ئێوارەی ئەمڕۆ وەفدی ئەنجومەنی وەزاریی عێراق بۆ كاروباری ئابوری، گەیشتە هەولێر و بڕیارە سبەی كۆبوونەوەكانی هەردوو ئەنجومەنی وەزاریی عێراق بۆ كاروباری ئابوری و ئەنجومەنی ئابوریی هەرێمی كوردستان دەستپێبكات.
