سەركۆ ئازاد ئەندامی خولی پێنحەمی پەرلەمانی كوردستان لە وەڵامێكدا بۆ وتەبێژی حكومەتی هەرێم رایگەیاند، “حكومەتی هەرێم بڕی نۆ ترلیۆن و 965 ملیار دینار قەرزاری فەرمانبەرانە و تەنها لە كابینەی نۆیەمیشدا حەوت مووچەی تەواو نەدراون”.
سەركۆ ئازاد لەپەیامێكدا كە ئاڕاستەی پێشەوا هەورامانی وتەبێژی حكومەتی هەرێمی كردووە رایگەیاند، كابینەی نۆیەم، “نۆ ترلیۆن و 800 ملیار دینار قەرزاری هاوڵاتییانە بە درێژایی تەمەنی كورتی ئەم كابینەیە، حەوت مووچەی تەواو نەدراون و مووچەی مانگەكانی شەش و حەوتی ئەمساڵیشی هاتۆتەسەر، كە تێكڕا دەكاتە هەشت ترلیۆن و 100 ملیار دینار”.
ئاماژەی بۆ ئەوەش كرد، “ئەمڕۆ وتەبێژی حكومەت لە نوێترین لێدواندا وتوویەتی”حكومەتی هەرێم هەموو مانگێك مووچەی تەواوەتی هاوڵاتییانی دابینكردووە ، “لەكاتێكدا بە گشتی، لە ماوەی ئەم كابینەیەدا، (10 مووچە) بە لێبڕینەوە دراون، نۆ مووچە بە لێبڕینی لە سەدا (21%) دراوە، (یەك مووچە) بە لێبڕینی لە سەدا (18%) دراوە، كە تێكڕا دەكاتە یەك ترلیۆن و 865 ملیار دینار مافخواردنی خەڵكی مووچەخۆر.
دەشڵێت، ” كۆی گشتی قەرزی مووچەی مووچەخۆرانی هەرێمی كوردستان لە ئەستۆی كابینەی نۆیەم بریتییە لە نۆ ترلیۆن و 965 ملیار دینار و ئەم زانیارییانە سەرچاوەی دامەزراوە فەرمیەكانی حكومەت و سك گوشینی مووچەخۆرانی هەرێمی كوردستانە”.
وتیشی، “خۆزگە وتەبێژ، تەنها لە بابەتی دیاریكردنی رۆژی پشوودا، هەڵەی بكردایە”.
