بەپێی ئاماری فەرمیی کۆمپانیای سۆمۆ، لە چارەکی یەکەمی ئەمساڵدا داهاتی بەرهەمە نەوتییەکانی عێراق زیاتر لە یەک ملیار دۆلار بووە.
ئامارەکە داهاتی سێ لە بەرهەمە نەوتییە هەناردەکراوەکانی عێراقی لە سێ مانگی یەکەمی ئەمساڵدا بڵاوکردووەتەوە.
ئاماژەی بەوە کردووە کە لە چارەکی یەکەمی ئەمساڵدا، سێ بەرهەمی نەوتی بە بڕی دوو ملیۆن و 636 هەزار و 736 تۆن هەناردە کردووە، داهاتی ئەو بڕە هەناردەکراوەش یەک ملیار و 113 ملیۆن و 220 هەزار و 43 دۆلار بووە.
ئاماژەی بەوەشکرد، بڕی هەناردەکردن و داهاتەکان کە لە بەنزینی سروشتی هەناردەکراون 3 هەزار و 191 تۆن بە داهاتی یەک ملیۆن و 769 هەزار و 453 دۆلار بووە، هاوکات هەناردەکراوی “نافتا” 317 هەزار و 825 تۆن بە بڕی 148 ملیۆن و 205 هەزار و 865 دۆلار بووە.
ئاماژەی بەوەشکردووە، “بڕی هەناردەی “نەوتی سووتەمەنی” لەلایەن عێراقەوە 2,315,720 تۆن بووە، بە داهاتی 927,244,725 دۆلار.
