ئەو ئاگرەی دارستانەکانی یۆنانی گرتووەتەوە ماوەی شەش رۆژە بەردەوامە و تەنها شەوی رابردوو 2500 کەس رزگارکراون و ئاگرەکە ناوچە گەشتیارییەکانی باکووری گرتووەتەوە.
بەپێی ئاژانسی فرانس پرێس لەگەڵئەوەی ئاگرەکان زۆر و گەورەن، بەڵام 2466 کەس لە دورگەکە لە شەوی رابردوودا رزگارکراون و تا ئێستاش هیچ زیانێک بە ماڵ و هۆتێلەکان و شوێنی مانەوەی خەڵک نەگەیشتووە.
تا ئێستا 250 گروپی ئاگرکوژێنەوە و رزگارکردن گەیشتوونەتە دورگەی رۆدۆس کە گەورەترین بەشی ئاگرەکەی تێدایە.
گەورەترین چالاکیی رزگارکردنی خەڵک ئەنجامدراوە کە تائێستا یۆنان بەخۆیەوە بینیوە کە نزیکەی 30 هەزار کەس دەبێت لەو ماوەیەدا رزگارکراون.
سەدان گەشتیاریش لە فڕۆکەخانەی نێودەوڵەتیی رودۆس چاوەڕێی گەڕانەوەن بۆ شوێنی خۆیان لەکاتێکدا فڕۆکەخانەکە بەشێک لە گەشتەکانی راگرتووە.
