نرخی نەوت لە بازاڕەکانی جیهاندا، ئەمڕۆ پێنجشەمە 24ی کانونی یەکەم بەرزبوونەوەی بەخۆوە بینی ئەمەش بەهۆی کەمبوونەوەی نەوتی گەنجینەکراوی ئەمریکا و هیواکان بۆ ڕێککەوتنی تایبەت بە دەرچوونی بەریتانیا لە یەکێتی ئەوروپا.
بەرمیلێک نەوتی خاوی تەکساس 18 سەنت و بە ڕێژەی %0.4 بەرزبووەوە و نرخەکەی گەیشتە 48.30 دۆلار، هەروەها نەوتی خاوی برێنت 20 سەنت و بەڕێژەی %0.4 بەرزبووەوە و نرخەکەی گەیشتە 51.40 دۆلار.
هەریەکە لەو دوو بەرهەمەی نەوتیش بە زیاتر لە %2 زیادیانکردووە لە ڕۆژی چوارشەمەدا.
هیرۆیۆکی کیکۆکاوا، بەڕێوەبەری گشتی بۆ بەدواداچونی دۆسیە داراییەکان لە کۆمپانیای نیسان ڕایگەیاند، کەمبوونەوەی نەوتی گەنجینەکراوی ئەمریکا و ئەگەرەکانی ڕێککەوتنی تایبەت بە دەرچوونی بەریتانیا لە یەکێتی ئەوروپا کاریگەرییان لەسەر بەرزبوونەوەی نرخی نەوت هەیە لەلایەکی دیکەشەوە ترسە بەردەوامەکانی سەرهەڵدانی جۆرە نوێیەکەی کۆرۆنا بازاڕەکانی سنوردار کردووە.
