بوراک ئۆزدەمیر ناسراو بە شێف بوراک ئاشکرایدەکات بەهۆی باوکییەوە چێشتخانەکانی لەدەستداوە و داوای یاسایی لەسەر تۆمارکراوە.
بوراک ئۆزدەمیر ناسراو بە شێف بوراک خاوەنی زنجیرە چێشتخانەکانی CZN Burak لە گرتە ڤیدیۆییەکدا بڵاویکردەوە، “باوکم زنجیرە چێشخانەکانم و مافی خاوەندارێتیکردنم بە نهێنی بە کەسێکی نەناسراو فرۆشتووە، ئێستا جگە لە چێشتخانەیەک لە ئەستانبوڵ هیچ چێشتخانەیەم نەماوە”.
ئاماژەی بەوەشکرد، “داوای یاسایم لەسەر باوکم تۆمارکردووە و لەمەودوا بە تەنها درێژە بە کارکردنم دەدەم لە بواری خواردن دروستکردن و بەڕێوەبردنی چێشتخانەدا”.
ئەمە یەکەمجار نییە کێشەکانی نێوان بوراک و باوکی دەتەقنەوە، پێشتریش بەهۆی هاوکاریکردنی لێقەوماوانی بومەلەرزەکەی هاتای کێشە کەوتە نێوانیان، بەو هۆیەشەوە پەیوەندیان پچڕا، هەنگاوەکانی ئەم دواییەی باوکیشی وەک سزایەک بوو بۆ کوڕەکەی لەدوای گوێڕایەڵ نەکردنی و پێشکەشکردنی هاوکاریی بە لێقەوماوانی بومەلەرزەکە.
