لە سنووری ئیدارەی راپەڕین بەهۆی رووداوێکی هاتوچۆوە کەسێک گیانیلەدەستدا، ئەمە لەکاتێکدا هەر ئەمڕۆ سێ کەسی دیکە بە رووداوی هاتوچۆ لە شارەزوور گیانیان لەدەستدا.
لە راگەیەندراوێکدا بەڕێوەبەرایەتیی گشتیی هاتوچۆی راپەڕین بڵاویکردەوە، بەهۆی پێکدادانی نێوان ئۆتۆمبێلێک و ماتۆڕسکیلێک شۆفێرێک گیانیلەدەستدا.
رووداوەکە لە کاتژمێر 5:00ی ئێوارە لە ناوچەی پشدەر روویداوە.
هەر ئەمڕۆ لەسەر رێگای سەیدسادق – شارەزوور بەهۆی پێکدادانی دوو ئۆتۆمبێل لەنزیک گوندی تەپی کەرەم سێ کەس گیانیان لەدەستدا و شەشی دیکە برینداربوون، بەمەش کۆی گیانلەدەستدان بەهۆی رووداوەکانی هاتوچۆوە لەماوەی 24 کاتژمێری رابردوودا گەیشتووەتە نۆ کەس.
