بەرزبوونەوەی نرخی کارەبا دانیشتووانی سیتییەکانی سلێمانی نیگەران دەکات و بۆ چارەسەرکردنی کێشەیەکان ئەمڕۆ سەردانی چوار لایەنی پەیوەندیداری حکومەتیان کرد.
ئەمڕۆ پێنجشەممە نوێنەرانی دانیشتووانی سیتییەکانی سلێمانی، سەردانی چوار لایەنی پەیوەندیداری حکومەتیان کرد و یاداشتێکیان ئاڕاستەکردن لەبارەی گرانبوونی نرخی کارەبا.
لە بەشێکی یاداشتەکەدا هاتووە، وەزارەتی کارەبا لە فەرمانی زیادکردنی نرخی کارەبا ئاماژە بۆ ئەوە دەکات کە سیتیەکان خەڵکانی ( Hi Cost) ی تێدایە دوور لەوەی بزانێت زۆربەی ھەرە زۆری دانیشتووانەکەی خەڵکانی فەرمانبەری حکومەتن کە ئەم نرخانە بووتە بارگرانیەکی زۆر لەسەرمان، ناکرێت خراپی دۆخی دارایی حکومەت و زیادکردنی داھات لەسەر حسابی ئێمەی دانیشتوانی ستیەکان بێت، ئێمە لە ئێوە دەپرسین ئایا ئێمە گوناھمان کردووە سیتیەکانمان بۆ نیشتەجێبوون ھەلبژاردووە؟ دواتر بە پێی چ یاسایەک کارەبامان بە نرخی شوێنی بازرگانی پێ دەفرۆشن؟”.
دانیشتووانی سیتییەکان داوایانکردووە، “نرخی کارەباکانمان ھاوتای نرخی کارەبای گەڕەکەکان بکرێتەوە، بە پێچەوانەشەوە گەر داواکاریەکانمان پشتگوێ بخرێت ناچاردەبین رێگایتر بگرینە بەر”.
