ئەمشەو، چوارشەممە ڕوبەڕوبوونەوەیەکی گرنگی قۆناغی چارەکی کۆتایی جامی ڕایەڵەی یانە ئینگلزییەکان “کاراباو کەپ” ئەنجامدرا، یانەی مانچستەر یونایتد بە بردنەوەی لە ئێڤەرتۆن بلیتی قۆناغی نیوەی کۆتایی بڕی.
لە گۆدیسۆن پارک یانەی ئێڤەرتۆن میوانداری یانەی مانچستەر یونایتدی کرد و ئەستێرەکانی ئولی گۆنار سۆڵشایەر بە ئەنجامی دوو گۆڵی بێوەڵام بردنەوەیان تۆمارکرد.
گۆڵەکان لە کۆتا ساتەکاندا، خولەکەکانی 88 و 93 لەلایەن ئیدینسۆن کاڤانی و ئانتۆنی مارتیالەوە تۆمارکران، سەرەڕای ئەوەی ئەستێرەکانی کارلۆ ئەنچلۆتی هەوڵی زۆریاندا لە کاتی زیادکراودا بە گوشاری توند گۆڵی یەکسانکردنەوە تۆماربکەن، بەڵام سەرکەوتوو نەبوون و یارییەکە بە ئەنجامی دوو گۆڵی بێوەڵام لە بەرژەوەندی شەیتانە سوورەکان کۆتاییهات.
https://streamable.com/uubxje
بەپێی ئەنجامە تۆمارکراوەکە، یانەی مانچستەر یونایتد هاوشانی یانەکانی مانچستەر سیتی و برێنتفۆرد و تۆتنهام سەرکەوتنی بۆ قۆناغی نیوەی کۆتایی جامی ڕایەڵەی یانە ئینگلیزییەکان “کاراباو کەپ” مسۆگەرکرد.
