دانیشتنی بڕیاردانی دادگای باڵای فیدراڵی تایبەت بە تانەی سەر یاسای هەڵبژاردن دواخرا.
دانیشتنەكە ئەمڕۆ بەڕێوەچوو بۆ چاوخشاندن بەسەر ئەو تانانەی لەسەر یاسای هەڵبژاردن تۆماركراون و دادگا بڕیاریدا دانیشتنەكە بۆ 8ی ئاب دوابخات، بەمەبەستی یەكخستنی سەرجەم تانەكان.
تانەكان لەلایەن ژمارەیەك لە پەرلەمانتارانەوە لەسەر یاسای هەڵبژاردنی ئەنجومەنی نوێنەران و ئەنجومەنی پارێزگا و قەزا و ناحیەكان ژمارە 12ی ساڵی 2018 تۆماركراون.
لە 27ی ئازاری رابردوو ئەنجومەنی نوێنەرانی عێراق هەمواری یاسای هەڵبژاردنی ئەنجومەنی پارێزگاکانی پەسەندكرد.
