حكومەتی هەرێمی كوردستان رایدەگەیەنێت، رۆژی چوارشەممە 19ی تەمموز بەبۆنەی سەری ساڵی نوێی كۆچییەوە پشووی فەرمییە.
پێشتر لە رۆژژمێری حكومەتدا سبەی سێشەممە بە سەری ساڵی كۆچی و رۆژی پشوو دیاریكرابوو.
بەپێی بڕیاری پشووەكان، ساڵانە 1ی موحەڕەم كە سەری ساڵی كۆچییە لە سەرجەم دامودەزگاکانی حکومەتی هەرێمی کوردستان پشووی فەرمی دەبێت.
رۆژێكی دیكەی پشووی ئەم مانگە 10ی موحەڕەم و یادی عاشورایە، بەڵام ئەمساڵ دەكەوێتە رۆژی هەینییەوە.
