بەیانی ئەمڕۆ لە قاهیرەی پایتەختی میسر بینایەکی چوار نهۆمی داڕما و بەهۆیەوە 10 کەس بوونە قوربانی.
بەپێی ئەو زانیارییانەی لە میدیا عەرەبییەکان بڵاوکراوەتەوە، بەیانی ئەمڕۆ بینایەکی چوار نهۆمی لە بەشی رۆژهەڵاتی قاهیرە داڕماوە و تا ئێستا تەرمی حەوت کەس دەرهێنراوەتەوە و چوار کەسیش بە برینداری دەرهێنراون و گەیەندراونەتە نەخۆشخانە.
لەم ماوەیەی رابردوودا چەند رووداوێکی دیکەی داڕووخانی بینا لە میسر روویاندا، کە دوایەمینیان هەفتەی رابردوو و بەهۆیەوە دوو کەس گیانیان لەدەستدا و نۆی دیکەش برینداربوون.
هاوکات مانگی رابردووش لە پارێزگای ئەسکەندەرییە تەلارێکی نیشتەجێبوون داڕما و بەهۆیەوە 10 کەس گیانیان لەدەستدا و چواری دیکەش برینداربوون.
