کەشناسیی هەرێمی کوردستان، دۆخی کەشوهەوای ئەمڕۆ و سبەینێی ناوچەکانی هەرێمی کوردستانی ئاشکراکرد و رایگەیاندووە، کەش بە جێگیری دەمێنێتەوە.
بەپێی پێشبینییەکان، ئەمڕۆ شەممە ئاسمان ساماڵ دەبێت و پلەکانی گەرما نزیکدەبێتەوە لە تۆمارکراوەکانی رۆژانی پێشوو.
هەروەها سبەینێش بەهەمانشێوە ئاسمان ساماڵ و پلەی گەرما بە جێگیری دەمێنێتەوە.
بەرزترین پلەی گەرماش بۆ سبەینێ لە گەرمیان دەبێت کە 48 پلەی سەدییە.
