ئەمینداری گشتیی ئۆپیك پێشبینی دەكات خواستی جیهانی لەسەر وزە بە جۆرە جیاوازەكانیەوە تا ساڵی 2045 بەڕێژەی 23% زیادبكات.
ئەو پێشبینییەی هەیسەم غەیس، ئەمینداری گشتیی رێكخراوی وڵاتانی هەناردەكاری نەوت (ئۆپیك) ئەمڕۆ لەمیانەی كۆنگرەی نەوت و غازدا بوو كە لە نەیجیریا بەڕێوەچوو.
پێشتر چەندین جار بەرپرسانی جێبەجێكار لە كەرتی نەوت و بەرپرسانی دیكەی رێكخراوی ئۆپیك جەختیان كردووەتەوە لەسەر پێویستیی بەردەوامبوون لە وەبەرهێنان لە كەرتی نەوتدا و، هۆشداریدەدەن لەوەی وەستاندنی دەبێتەهۆی بەرزبوونەوەی نرخەكەی.
غەیس وتی، بانگەشەكان بۆ سنووردانان بۆ پرۆژە نوێیەكانی نەوت یان وەستاندنی پارەداركردنی نالۆژیكی و ناژیرانەیە، بەڵام دانیشی بە پێویستیی بەكارهێنانی تەكنەلۆجیادا نا بۆ چارەسەركردنی دەردراوە بەردەوامەكانی وزەی بەردین.
