کەشناسێکی عێراقی رایدەگەیەنێت لەم هەفتەیەدا شەپۆلێکی سەرما تورکیا و بەشێک لە وڵاتانی ناوچەکە دەگرێتەوە و کاریگەریی لەسەر هەرێمی کوردستانیش دەبێت.
سادق عەتییە کەشناسی عێراقی بڵاویکردەوە، “شەپۆلێکی سەرما روو لە تورکیا و وڵاتانی شام دەکات و بەهۆیەوە ناجێگیری لە کەشوهەوا روودەدات و بارانبارین بەشێک لە ناوەڕاست و رۆژهەڵاتی تورکیا و لوبنان و باکووری سوریا و باکووری ئێران دەگرێتەوە”.
ئاماژەی بەوەشکرد، “بارانبارینێکی کەم ناوچەکانی دهۆک و باکووری عێراق دەگرێتەوە بۆ رۆژی دووشەممە و سێشەممە”.
ئاشکراشیکرد، “سەرەتای هەفتەی داهاتوو بارانبارین سنووری پارێزگاکانی دهۆک و هەولێر و سلێمانی بگرێتەوە”.
