نەخۆشخانەی هیوا کە تایبەتە بە دەستنیشانکردن و چارەسەرکردنی نەخۆشییەکانی شێرپەنجە، ئاماری شەش مانگی یەکەمی ئەمساڵی تووشبووانی شێرپەنجەی لە نەخۆشخانەکە بڵاوکردەوە، بەپێی ئامارەکە زیاتر لە هەزار و 500 تووشبوو تەنها لە نەخۆشخانەی هیوا تۆمارکراوە.
لە راگەیەندراوەکەی نەخۆشخانەی هیوادا هاتووە، لە نیوەی یەکەمی ئەمساڵدا لە نەخۆشخانەکەیاندا 1508 تووشبووی شێرپەنجە بە جۆرە جیاوازەکانییەوە تۆمارکراوە.
بەپێی ئامارەکە شێرپەنجەی مەمک زۆرترین رێژەی تووشبوونی هەبووە کە بە رێژەی %15.78 بووە و دەکاتە 238 تووشبووی شێرپەنجە، دوای ئەو شێرپەنجەی کۆڵۆن و رێکە دێت بە رێژەی %10.15 کە دەکاتە 153 تووشبوو.
