بەڕێوەبەرایەتیی هاتوچۆی ئیدارەی سۆران لە راگەیەندراوێكدا ئاگاداری شوفێرانی بارهەڵگر دەكاتەوە كە لە رۆژانی هەینیدا بە هەموو شێوەیەك هاتوچۆی ئۆتۆمبێلی بارهەڵگر بە هەموو جۆرێكانییەوە لە رێگای چۆمان تا سپیلك قەدەغەیە.
ئاماژە بۆ ئەوەش كراوە، قەدەغەی هاتوچۆی ئۆتۆمبێلی بارهەڵگر لە كاتژمێر4ی ئێوارە تاكو كاتژمێر 12ی شەو دیاریكراوە، ئامانجیش لەو بڕیارە دروستنەبوونی جەنجاڵییە لە ناوچە گەشتیاریەكان، بە تایبەتی لە ناوچەی گەلی عەلی بەگ و سپیلك.
هاتوچۆی سۆران داوا لە شوفێرانی بارهەڵگر دەكات پابەندی رێنمایەكان بن و هاوكاربن بۆ سەلامەتی هەموو لایەك.
