هەندێک کەس لە کاتی مەلەکردن یان خۆشوشتن ئاو دەچێتە گوێیان و بەمەش هەست بە بێزاری دەکەن و ئەگەریشی هەیە ببێتە هۆی چەند کێشەیەکی تەندروستیی مەترسیدار.
پێگەی تی ئۆنلاینی ئەڵمانی بڵاویکردەوە، “ئەو ئاوەی دەچێتە گوێوە پێویستە بهێنرێتە دەرەوە، بە پێچەوانەوە گوێ تووشی هەوکردن و بەکتریا دەکات.
بەم رێگەیانە دەتوانیت ئاوی ناو گوێت بهێنیتەوە دەرەوە
-بە بەری دەستت فشار لە گوێت بکە و دەستت بجوڵێنە، ئەگەر ئەمە سوودی نەبوو ئەو گوێیەت کە ئاوی تێچووە سەرت بەو لایەدا خوار بکەرەوە و رایبوەشێنە.
-دەتوانیت بە وشککەرەوەی قژ گوێت وشک بکەیتەوە بەو مەرجەی 30 سانتیممەتر زیاتر دووربێت لێیەوە.
-دەتوانیت کلێنسێک لول بکەیت و گوێت وشک بکەیتەوە بەو مەرجەی فشاری لێنەکەیت و زیان بەر گوێت نەکەوێت.
