توێژەران دەڵێن، ژمارەی ئەو ژنە ئەمریکیانەی دوای ساڵێک لە لەدایکبوونی منداڵەکانیان گیانیان لەدەستداوە لەنێوان ساڵانی 1999 بۆ 2019 بۆ دوو هێندە بەرزبووەتەوە.
توێژینەوەکە لە گۆڤاری گامای پزیشکی بڵاوکراوەتەوە و تێیدا هاتووە، “لە ساڵی 1999 ژمارەی ئەو ژنانەی دوای لەدایکبوونی منداڵەکانیان لە ماوەی ساڵێکدا گیانیان لەدەستداوە 505 کەس بووە، بەڵام لە ساڵی 2019 بۆ هەزار و 210 ژن بەرزبووەتەوە”.
بەپێی ئامارەکە، “ژنانی رەسەنی ئەمریکی وەک هندوئەمریکییەکان و دانیشتووانە رەسەنەکانی ئالاسکا و ژنانی رەشپێست زۆرترین رێژەی مردنیان بەردەکەوێت”.
مردنی بەشێک لە ژنانی ئەمریکا لەدوای منداڵبوونیان بە کەمتر لە ساڵێک بۆ هۆکارەکانی وەک (تێكچوونی دۆخی دەروونی، خوێنبەربوون، نەخۆشی دڵ و خوێنبەرەکان، هەوکردن، جەڵتە، بەرزبوونەوەی فشاری خوێن دەگەڕێتەوە).
