لە گەڕەکی چوارچرای شاری سلێمانی لە کاتی پەڕینەوەیان لە شەقامێکدا ئۆتۆمبێلێک لە دوو ژن دەدات و یەکیان گیانیلەدەستداوە و ئەوی دیکەشیان بریندارە.
پەیامنێری تۆڕی میدیایی ئێستا گواستییەوە، “نیوەڕۆی ئەمڕۆ لە کاتی چوونیان بۆ پرسەی خزمێکیان دوو ژن بە شەقامێکدا لە گەڕەکی چوارچرا پەڕیونەتەوە و لەو کاتەدا ئۆتۆمبێلێک بە خێراییەکی زۆر هاتووە و بوون بە ژێریەوە”.
ئاماژەی بەوەشکرد، “یەکێک لە ژنەکان دەستبەجێ لە شوێنی رووداوەکە گیانیلەدەستداوە و تەرمەکەی دەگوازرێتەوە بۆ پزیشکی دادی، ئەوی دیکەش بریندارە و گەیەندراوەتە نەخۆشخانەی شار”.
ئاشکراشیکرد، “ئۆتۆمبێلەکە لە جۆری تۆیۆتا هایلۆکسە و شۆفێرەکەی
بە سووکی بریندارە و دەستگیرکراوە”.
