لە دوو رووداوی جیادا دوو كەس لە سەیرانگای كونەماسی خنكان و تەرمەكانیان بۆ پزیشكی دادوەریی سلێمانی گوازرایەوە.
پاش نیوەڕۆی ئەمڕۆ لەكاتی مەلەكردندا لە سەیرانگای كونەماسی، كەسێكی بە رەگەز نیپاڵی گیانیلەدەستدا.
قوربانییەكە لەگەڵ چوار هاوزمانی خۆیدا بەمەبەستی گەشتكردن روویان لە سەیرانگاكە كردووە.
لە نزیك ئەو رووداوەكە گەشتیارێكی بە رەگەز عەرەب-یش بە رووداوێكی هاوشێوە و لەكاتی مەلەكردندا خنكا.
تەرمی هەردوو قوربانییەكە لەلایەن تیمەكانی بەرگریی شارستانییەوە دەرهێنرانەوە و لەلایەن تیمەكانی سەنتەری فریاكەوتنی خێرای سلێمانییەوە بۆ پزیشكی دادوەری گوازرانەوە.
