تەنها چەند رۆژێکی کەمی ماوە بۆ هاتنی جەژنی قوربان و ملیۆنێک و 626 هەزار و 500 کەس بە مەبەستی بەجێگەیاندنی فەریزەی حەج روویان لە سعودیە کردووە.
بەڕێوەبەرایەتیی گشتیی پاسپۆرتی سعودیە بڵاویکردەوە، تا کۆتایی رۆژی هەینی و ملیۆنێک و 626 هەزار و 500 کەس بە مەبەستی بەجێگەیاندنی فەریزەی حەج روویان لە سعودیە کردووە”.
ئاماژەی بەوەشکرد، “ملیۆنێک و 559 هەزار و 53 کەس لە رێگەی ئاسمانییەوە و 60 هەزار و 617 کەس لە رێگەی وشکانییەوە و شەش هەزار و 830 کەس ئاوییەوە داخڵی سعودیە بوون”.
ئاشکراشیکرد، “هەموو ئامادەکارییەک بۆ پێشوازیکردن لە تەواوی حاجیان لە دەرەوەی وڵاتەوە کراوە”.
