شارەزایان ئاماژە بۆ ئەوە دەکەن کە سەرەڕای ئەوەی هەندێک جۆری خوێن دڵخوازی مێشولەیە و وادەکات هەڵگری ئەو جۆرە خوێنانە زیاتر مێشولە لێیان نزیکببێتەوە، بەڵام هەندێک رەنگی پۆشاکیش هەمان کاریگەریی هەیە.
رۆژنامەی دەیلی ئێکسپرێسی بەریتانی بڵاویکردەوە، مێرووەکان لە کەشوهەوای گەرمدا گەشە دەکەن و دەتوانن هێرش بکەنە سەر هەر شوێنێک لە باخچەی ماڵەکەتەوە تا ژووری نووستنەکەت.
بەپێی چەند توێژینەوەیەک مێشولە شوێنی تاریکی پێ باشترە، ئەمەش واتە جل و بەرگی تاریکیش سەرنجی رادەکێشێت .
شارەزایان دەڵێن جل و بەرگی سپی دەتوانێت پێست بە شێوەیەک سارد بکاتەوە کە یارمەتیدەر بێت لە دوورخستنەوەی مێرووە بێزارکەرەکان .
ئاماژەیان بەوەشکردووە، “رەنگی تۆخ گەرمی رادەگرن، مێشولەش سەرنجی بە گەرمی و دووەم ئۆکسیدی کاربۆن رادەکێشرێت، بۆیە لەبەرکردنی جلوبەرگی رەنگ کاڵ دەتوانێت کەمتر سەرنجڕاکێش بێت بۆ مێشولە”.
زۆی ویلیامز دەڵێت، رەنگێکی تر کە پێویستە لە هاویندا لێی دوور بکەویتەوە سوورە.
