بەڕێوەبەری گشتیی بازرگانیی هەرێم رایدەگەیەنێت، دەستكراوە بە دابەشكردنی بەشە ئاردی مانگی چوار بەسەر بریكارەكان كە لەو رێگایەوە دەدرێتە هاوڵاتییان و دەشڵێت، “بەشە ئاردی مانگی 4 زۆر باشە و داوا لە هاوڵاتییان دەكەین نەیفرۆشنەوە و بەكاریبهێنن”.
نەوزاد شێخ كامیل بەڕێوەبەری گشتیی بازرگانیی هەرێم لە لێدوانێكدا بە تۆڕی میدیایی ئێستای راگەیاند، ئەمساڵ لە دابەشكردنی بەشە ئارد بەسەر هاوڵاتییان هاوشێوەی عێراقین و ساڵی رابردوو لە عێراق حەوت بەشە ئارد بەسەر هاوڵاتییاندا دابەشكرا و لە هەرێمی كوردستان پێنج بەشە ئارد دابەشكرا، بەڵام ئێمە داوای بەشە ئاردی ئەو دوو مانگە لە عێراق دەكەینەوە كە پێشتر بەهۆی نەبوونی گەنمەوە دابەشنەكرا.
ئاشكراشیكرد،”لە ئێستادا دەستكراوە بە دابەشكردنی بەشە ئاردی مانگی چوار و ئەو ئاردە لە تێكەڵی گەنمی ناوخۆ و ئەو جۆرە باشەیە كە هاوردەكراوە بۆیە داوا لە هاوڵاتییان دەكەین بەكاریبهێنن و نەیفرۆشنەوە”.
