بڕیارە لە دوای پەسەندکردنی ئەنجامەکان لەلایەن وەزارەتی خوێندنی باڵا و توێژینەوەی زانستیی، زانکۆکانی هەرێم ئەنجامی تاقیکردنەوەی زانستیی دبلۆمی باڵا و ماستەر و دکتۆرا بڵاودەکەنەوە.
بەپێی ئەو زانیارییانەی دەست تۆڕی میدیایی ئێستا کەوتوون، “لە دوای پێداچوونەوە بە دەفتەری تاقیکردنەوەکانی ماستەر و دکتۆرا و دبلۆمی باڵا، دەنێردرێن بۆ وەزارەتی خوێندنی باڵا و توێژینەوەی زانستی بە مەبەستی پەسەندکردنی ئەنجامەکان، دواتر زانکۆکان ئەنجامەکان بڵاودەکەنەوە”.
هەر بەپێی زانیارییەکان، “ئەگەرهیچ کێشەیەکیی تەکنیکی نەیەتە پێش بڕیارە 26 ی ئەم مانگە ئەنجامەکان رابگەیەندرێن، بەڵام ئەگەر نەتوانرا لەو رۆژەدا ئەنجامەکان بڵاوبکرێنەوە دەکەوێتە دوای جەژنی قوربان”.
