دەسەڵاتی وەرزشیی شانشینی سعوودیە، کاردەکات بۆ کۆکردنەوەی بەهێزترین بۆکسێنەرەکانی جیهان لە دوو ڕووبەڕووبوونەوەی مێژووییدا.
بەڕێوەبەری یارییە تاکە کەسییەکان و لێهاتوویی وەرزشیی سعوودیە، عامر عەبدوڵا جەختی لەوە کردووەتەوە، کە دەسەڵاتی وەرزشیی وڵاتەکەی تەنها گرنگی بە پەلکێشکردنی یاریزانە ناودارەکانی بواری تۆپی پێ نادات، بەڵکو لە بواری بۆکسێن و بوارەکانی دیکەشدا هەمان هەنگاو دەنێت.
بەوتەی کەسایەتییەکە، دانوستاندن لەگەڵ بەهێزترین پاڵەوانانی بواری بۆکسێن دەستیپێکردووە و گفتوگۆکان لە قۆناغیکی پێشکەوتوودان، ئامانجی سەرەکیشیان سازکردنی دوو ڕووبەڕووبوونەوەی مێژووییە.
ئەگەر هەیە هەردوو یارییەکە لە مانگی کانونی یەکەمی 2023 لە نێوان دیۆنتای وایڵدەری ئەمریکی و ئانتۆنی جۆشوای بەریتانی، هەروەها ئۆلیکساندەر یوسیکی ئۆکرانی و پاڵەوانی جیهان بەرامبەر تایسن فیوری بەریتانی و بەهەمانشێوە پاڵەوانی جیهان ئەنجامبدرێن.
