بۆ زامنكردنی گەشەی ئەو نەمامانەی لەچوارچێوەی هەڵمەتی نیشتمانی بۆ روواندنی یەك ملیۆن نەمام لەسەر بڕیار و راسپاردەی بافڵ جەلال تاڵەبانی سەرۆكی یەكێتیی نیشتمانیی كوردستاندا رووێنراون، قۆناغی خزمەتكردن لەئاودان و بژار و بنكۆڵ و ئاگربڕ دەستیپێكرد.
هاوكار جەلال بەڕێوەبەری دارستان و پاوانی سلێمانی ئاماژەی بەوەش كرد، بۆ پاراستنی نەمامەكان لە هەر ئەگەرێكی زیانگەیاندن و لەوەڕاندنی هەڕەمەكی، تووانیمان لەسەر بودجەی هەڵمەتەكە، پەرژین بۆ رووبەرە سەوزكراوە نوێیەكان بكەین سەرباری دروستكردنی هێڵی ئاگربڕ بۆ پاراستنی لە هەر مەترسییەكی ئاگركەوتنەوە لەگەڵ ئەنجامدانی كاروبارە گرنگەكانی وەك بژار و بنكۆڵكردنی نەمامەكان بە كرێكار.
سەركەوتنی هەڵمەتی نیشتمانیی سەوزكردنی كوردستان بە روواندنی یەك ملیۆن نەمام هەنگاوێكی ئەرێنییە بە ئاراستەی گرنگیدان بە ژینگە و سەوزایی كە بافڵ جەلال تاڵەبانی سەرۆكی یەكێتی لە رووانگەی پەرۆشییەوە بۆ تەندروستییەكی باش بۆ هاوڵاتییانی هەرێمی كوردستان بڕیاری لەبارەوەداوە و جێبەجێیدەكات.
