وەرگەڕانی ئۆتۆمبێلێك لە گەرمیان برینداربوونی خوشك و برایەكی لێكەوتەوە.
بەڕێوەبەرایەتیی هاتوچۆی گەرمیان رایگەیاند، پاش نیوەڕۆی ئەمڕۆ لەسەر رێگای کەلار-کفری، بەرامبەر گوندی (حاجی عەواد) ئۆتۆمبێلێکی جۆری کیا سیراتۆ كە بە ئاراستەی کەلار لە رێگادا بووە، کۆنترۆڵی لەدەستدا و وەرگەڕا و بەهۆیەوە شۆفێرەکە و سەرنشینێک برینداربوون.
هەردوو بریندارەکە خوشک و بران و گواسترانەوە بۆ نەخۆشخانەی فریاکەوتنی شەهید هەژار لە کەلار، وەك ئەوەی هاتوچۆی گەرمیان ئاماژەی پێدا و دەشڵێت، تیمەكانیان لێکۆڵینەوەیان لە رووداوەكە دەستپێکردووە.
