لە ئاکامی دروستبوونی شەڕ لەنێوان دوو خێزاندا بەهۆی کێشەی زەویوزارەوە هەشت کەس لە قەزای بیسمیل لە پارێزگای ئامەد کوژران و سێ کەسی دیکەیش برینداربوون.
ئاژانسی ئەنادۆڵۆ بڵاویكردەوە، دۆخی نێوان دوو خێزانە لە گوندی سەرچەلەر دروستبوو دواتر سەریکێشا بۆ شەڕ و بەکارهێنانی چەک و، لە ئاکامیدا هەشت کەس گیانیان لەدەستدا و سێی دیکەیش برینداربوون.
عەلی ئیحسان سو، پارێزگاری ئامەد رایگەیاند، شەڕەکە لەسەر زەوییەک بووە كە رووبەرەکەی 200 دۆنمە.
دوابەدوای شەڕەكەش هێزە ئەمنییەكان رێوشوێنی ئەمنییان لە گوندەکە گرتەبەر و برینداربووان لەلایەن تیمە تەندروستییەکانەوە بۆ نەخۆشخانە گوازرانەوە.
