لەبارەی نەخۆشییەكەی و تۆمەتباری پشت ئەو دۆخەی تیایدایە، سەرۆكی پێشووی فراكسیۆنی نەوەی نوێ پەیامێكی بڵاوكردەوە.
پەیامەكەی كازم فاروق، سەرۆكی پێشووی فراكسیۆنی نەوەی نوێ لە پەرلەمانی كوردستان لە تۆمارێكی ڤیدیۆییدایە و تیایدا دۆخی تەندروستی دەردەكەوێت.
كازم فاروق لە پەیامەكەیدا دەڵێت، پزیشكان پێیان راگەیاندووە كە مەترسی لەسەر ژیانی نەماوە و لە دوو رۆژی داهاتوودا رێگەی دەرچوونی پێدەدەن.
وتیشی، “ئەوەی ماوە تەنها نەشتەرگەرییەكی وردە، تائێستا بڕیارم نەداوە لە چ نەخۆشخانەیەك و چ وڵاتێك ئەنجامیبدەم”.
سەرۆكی پێشووی فراكسیۆنی نەوەی نوێ ئەوەشی خستەڕوو، “خوای گەورە نەیهێشت ئەو دەستە رەشەی خۆی وەك فریادڕەسی خەڵك ناساندووە، نهێنییەكەی بچێتە ژێر خاكەوە” و ئاشكرایكرد، لەدوای نەشتەرگەرییەكەی هەموو “بەڵگە و نهێنی و راستییەكان” بۆ خەڵك و رای گشتی بڵاودەكاتەوە.
باسی لەوەشكرد، لەدوای ئەو قسانە و ئەو ڤیدیۆیەی، هەر كەسێك، هەر لایەنێك، هەر تەلەفزیۆن و میدیایەك “قەڵس بوو، تەنگاو بوو، ئەوە بیناسنەوە خۆیەتی. با بمێنێت بۆ دوای نەشتەرگەرییەكە”.
هەر لەو دیمەنە ڤیدیۆییەدا دایكی كازم فاروق دەدوێت و تیایدا وتی، “ئەو دەستەی رەشەی ویستی تاوان و ناهەقی بەرامبەر دكتۆر كازم بكات، بەڵام نەیپێكا، بەڵام خوا نەخواستە ببوایە بە زەرەری رۆحی، وەكو خانەوادە بۆمان قبوڵ نەدەكرا”.
دەقی ڤیدیۆكە:
