بەپێی خشتەی رۆژە فەرمییەکانی رێکخراوی نەتەوە یەکگرتووەکان ئەمڕۆ رۆژی بەرەنگاربوونەوەی کارکردنە بە منداڵان، لە کاتێکدا بەپێی راپۆرتێک لە هەر 10 منداڵ یەکێکیان کرێکاری دەکات لە جیهاندا.
بەپێی ئامارێک کە ئاژانسی هەواڵی ئەنادۆڵ بڵاویکردووەتەوە، “لە ئێستادا 160 ملیۆن منداڵ، کە پێکهاتوون لە 63 ملیۆن کچ و 97 ملیۆن کوڕ لە سەرانسەری جیهاندا کاری کرێکاری دەکەن”.
هەر بەپێی ئامارەکە، “لە ئاستی جیهاندا لە هەر 10 منداڵ یەکێکیان کار دەکات، بەڵام لە وڵاتە تازە گەشەسەندووەکان لە هەر پێنج منداڵێک یەکێکیان کاردەکات، کە زۆرینەیان لە کەرتی کشتوکاڵدا کاردەکەن”.
رێکخراوی کاری نێودەوڵەتی (ILO) لە ساڵی 2022 بۆ یەکەمجار رۆژی جیهانیی بەرەنگاربوونەوەی کارکردن بە منداڵانی دەستپێکرد.
بۆ ئەمساڵ لە ژێر ناونیشانی “دادپەروەریی کۆمەڵایەتی بۆ هەمووان، کۆتاییهێنان بە کارپێکردنی منداڵان” یادی ئەم رۆژە دەکرێتەوە.
