مەفرەزەکانی بنكهی پۆلیسی ههوارهبهرزهی سهر به بهشی پۆلیسی دهربهندیخان دوو تۆمەتباریان دەستگیرکرد کە ھەڕەشەی بڵاوکردنەوەی وێنە و ڤیدیۆی تایبەتیان لە کچێک کردبوو.
بەڕێوەبەرایەتیی پۆلیسی سلێمانی بڵاویکردەوە، “دوای تۆمارکردنی سکاڵای یاسایی لەسەر دوو تۆمەتبار کە ھەڕەشەی بڵاوکردنەوەی وێنە و ڤیدیۆ تایبەتییەکانیان لەکچێک کردبوو، دەستبەجێ ھێزەکانی پۆلیس لێکۆڵینەوە و بەدواداچونیان بۆ دۆزینەوە و دەستگیرکردنی تۆمەتباران دەستپێکرد”.
ئاماژەی بەوەشکرد، “دوای وەرگرتنی بڕیاری دادوەر، توانرا تۆمهتباران بدۆزرێنەوە و لەلایەن مەفرەزەکانی بنكهی پۆلیسی ههوارهبهرزهی سهر به بهشی پۆلیسی دهربهندیخانهوه دەستگیربکرێن”.
ئاشکراشیکرد، “تۆمەتباران (ب، م، ح – م، ع، ك) دانیان بە تاوانەکەیاندا ناوە و لە ئێستادا بە بڕیاری دادوەر راگیراون و لێکۆڵینەوەکان بەردەوامن”.
